De Əlğods əl-Ərəbiyə məntəğəynə rujnomə nıvışte əsos Rəcəb Təyyeb Erdoğan, Turkiyə pırezident, ıştə sıxanondə gıləy tank soxtə emolotxonə vindımoni vaxtədə çı Sakariya şəhri Şimal-Ğərbədə votdışe: Turkiyə çı Libiyə, Ozərboycon Respublikə, Siriya iyən Arəvonə dıyo Şərğədə hozıye iyən ın vırondə bəmande.

Əv ijən votdışe ki Turkiyə ıştə ğanuniyə huğuği bəste iyən ıştə ovon məxsusən Arəvonə dıyo Şərğədə iyən Kipr tərəfondə natı gorə kandemonon idomə doydə. Turkiyə pırezident ijən votdışe: Turkiyə pırezidenti iyən parlımentı seçki 2023-minə sori İyonə mangədə təşkil bedən.

Erdoğan əlovə kardışe: Ğətər ım tank soxte imolotxonədə 49 fayiz maliyə iştirok hestışe iyən har kəsi ki votdə emolotxonə xısusən bə xariciyə tərəfon həvatə bəy, duyəvoje. Əv idomə doşe: əmə gıləy yolə irs bəçəmə omə nəslonyo mıdofiə ijən həmmə hissədə ğəror doəmone.

Turkiyə iyən Ğətər 2 gılə stratejiə şərikon hestin ki ıştə beynəlxalğə iyən məntəğəynə 2-tərəfinə həmkoətiyon idomə doydən ki ım dı gılə ulkə əloğon dəvardə sorondə inkişof pəydo kardəşone.

Im 2 gılə ulkə ğərəyz iğtisodi iyən ticorəti əloğon, ve beynəlxalğə əloğon iyən məntəğəynə munasibətondə deiyəndı nezə əloğon hestışone. In həmkoətion çı Fars korfəzı kırizisıku ba peşt iyən Ankara bə Doha kıməgəti karde idomədə 2017-minə sorədə ve zumand bən.

Doha iyən Ankara arədə Nizami həmkoətiyon ənmuhimmə həmkoətiyonin. Ğətər dəvardə Oktiyabrə mangədə de iştirokinə mıdofiə iyən 2-tərəfinə nızamiyə ğərordodon əsos gıləy hərbi gəmi Turkiyəku hıriyəşe.