Boku dovləti nəmoyəndon Brussel şəhərədə ijən məcbur bən ıştə məmləkətədə insoni həxon bevəcc vəzyəti həxədə gəp je. Vaxtı ki Avropa parlamenti nımoyəndon gıləyni Ozobiconədə insoni həxon gəpış jə, Ozobiconi xariciə koon vəziri mıovin zınəşni çiç vote iyən elon kardəşe: “Əmə votedənimon ki, insoni həxon sahədə harçi çoke. Ne, ım jıgo ni, əmma hətto jıgo məmləkətonədə ki, əyo çand gılə əsre insoni həxon vey çokə vəzyətədən, ım sahədə problemon hestin. Çəmə məmləkət 28 sore ki mıstəğile iyən 28 sor bə nav əmə zınedə nıbimon insoni həxon çiçe. Əmə tojə omutedəmon ım problemi həxədə iyən cəhd kardedəmon bə çokə nəticon rəse ro”.

Ozobiconıjə nımoyəndə ım sıxanon vey çok nişo dodən Ozobicon nomo zindonədə insoni həxon çoknə vəzyətədən. Çoke ki, Boku rejimi ğulon ğəbul kardedən ki, əvon insoni həxon barədə hiççi zınedənin, əgəm əvon əzınin insoni həxon çiçe, əm pesoxtə kişvərədə jimon kardə odəmon jıgo bevəcə vəzyətədə nəbin. Məlume ki, əvon ım məmləkətədə jimon kardə bumiə xəlğon həxon barədəən hiççi zınedənin, çumçıko ımruj tolışon, taton, ləzgion iyən bo milləton həxışon ni ıştə zıvonədə kitobon çap karde, təhsil karde, iyən ım milləton etnosid Boku dovlətədə dəvom kardedə.