Ozobiconi qərdənəkəşəti vəzirəti de tolışon hiç kəynə bə ro şəni. Imən bo əmə jəqo qılə saxtə sır ni. Imon çoknəy ıştə səbəsojəti səşone, çəyo binoşon karde de əmə perızie. Ozobiconədə bo Ozobiconi qırd yolə xəto tolışi dəvlətmədorəti oney hole. Kali dəmərəsə tolışon ımi hələ bəsə dəşedənin. Hejo jıqo – jıqo çiyon səkıştəy ki, ımon bə əmə bənəy deşmeni diə kardən.  Noyabıra manqi orəxnə rujonədə Cəlilabadi Cəfərxanli nomədə diədə Ozobiconi ləşkərəvonəti sərbozi mardeyən çı koy sıəkıştədəy.

Həşimov Səbuhi Sadatxani zoə Ağdami nezi sərbozəti kardəbe. Əv eqlıniyə mardə. Mande çoknəy mardə, konco mardə, boçi mardə, çımi barədə bə hiç xonəxo rımuz dodənin. Diədə şayə vadoydən ki, əv omə diədə mardə. Mande bə əmə əvən bərmaləy ki, çe əy ləşışon nunəkıle vardəşone bə Cəfərxanli. Çiç bedəbu bıbu, ımon çe Səbuhu Həşimovi mardi nunəkıle oqəteyədə peştədə de əmə deşmenəti mandə. Boçiçi bəpe Ozobiconi Qərdənəkəşəti Vəzirəti çı cıvoni marde bə həşə bıjəno? Xosə çe əmə xəlğ, qasbu həni osanqəmon ki, ımon əməni qırd tuməbır kardeyədə ahı bə ciqə nin!

TolishMedia