Jıqo dələdızdəti hələ dınyo hiç qılə keşvərədə, hiç qılə dəvlətədə vində bıəni. Bı ımi hiç dələdızditiən vote əbıni. Im bə odəməti danımə qılə deputaton səçıniyə dastqo bey. Oxo bo çiçi jıqo qılə dastqo onedəbin? Anəndə puli xarc kardəbin? Madəm ki, ım deputaton hejo pentono ənəynbu, bəvədə anəndə pulon hədərə bo çiç şodoydəbin bə pobın? Ə pulon qirəm bə beçizon bə kosibon baxş kardə bəbəy, keşvərədə çanəndə kaşiyon olığniyə əbi.

Mande oxo Ozobicon nomədə pesoxtə keşvəri pesoxtə iqtidor co curə ko karde çəmi zınedəni. Əvon de jıqo çəmi bə odəmon dimi tu kardedən. Im odəmonən Ozobicon nomədə pesoxtə keşvəri bədbəxtə şəhərvandonin.  Ozobiconədə bo parlamenti şəşminə səçıni nuə çi hiçiş nişo nıdoy. Kom odəmi nom əliyevon siyahiyədə hestebe əvonən ğotiədə beşin. Hiç qirəm çə ısətnə “səçınə” deputaton nom şodəən bıə nıbu bə ğoti Mazahir Pənahovi əvonış sənibəton çe əyo bekardışe. Xıdo bə xəlği bə milləti dimi tu kardəkəson tu bıko! Amin!

TolishMedia