Ozobicon nomədə pesoxtə respublikadə de koronavirusi pandimiyə karantini anqıl bə əjiyon 190 manat dastqətəti de yolə biaburçiyəti beşə. Odəmonku pul qırdə karde dastqo bino bıə. Imon bə əjiyon sıxan doə dastqətəti çe əvon ıştəniku dətor jəydən səydən, çəyoən səlo bəjen ki, əmə bə əvon pulə dastqətətimon kardemone.

Jıqo deşmenə hukuməti tispiri dınyo hiç vırədə pəydo karde əzıniyon. Çumçıko har keşvərədə bo ıştə əjiyon hukumətəti kardən, ımon ısət boy bo ıştə əjiyon ney, bo ıştə deşmen zınə odəmon hukmətəti kardedən. Mılxəs iqlə tolışon ney, bı ımonro Ozobiconədə jiyə həmə bınəyniyə xəlğon ləzqion, taton, tolışon həmə deşmenin.

Xıdo bı ımon kamişi ve qirəvə bıdo, ımon odəmon bə i niməyjə vəşiku ğır bakan. Isətən de koronavirusi anqıl ım 190 manati sıxanən hejo bo əçəyro eğandəşone ki, çı ımi dı ğatə əjiyonku qırdə bıkən, baxş bıkən bə yeraz – naxçivani ələvuşə tobyə. Əve ımon ım 190 manati erosniyə tələşon onəşone. Xıdo bı ımon tu bıko!

Tolish Media