Dıhəzo vistminə sori sentyabırə manqi vistıhaftədə Ozobiconi Pesoxtə keşvəri bə Xərəboği hurəc karde əy nişo doydə ki, ım pesoxtə keşvər sovı tırkon hiç qılə milləti həxi zınedəni, zıneyışəni pidəşnişe. Çoknəy vindedəmon həm Ozobicon nomədə pesoxtə keşvəri səobırniyə ləşkər həmən bə ıştə tırk votə seqment bı keşvərədə sovı ıştə co milləton, xəlqon vindənin. Qirəm ımon votedənbu Xərəboğ çe Ozobiconi dılədə bəpe bıbu, bəvədə əvon bo çiçi Xərəboğədə jiə bınəyniyə xəlğ erməniyon ğır kardedən, tuməbır kardedən?! Bı barədə har qılə bəsə dəşə odəmi famemon iqləy, əvən ıme ki, Ozobicon nomədə bı pesoxtə keşvərədə bo Artsaxi ( Xərəboği) Respublika jimoni hiç qılə qirəvə ni. Xıdo rozi Artsaxi Respublika bı canqədə səbarz bebəşe, ım canqi həzo – həlbət babay. Tolışə millət çımiən çok zınedə, ehanə Xıdo nıkardə, Xıdo nıməsə Artsax bı canqədə dəboxto, bəvədə tolışonən tuməbır bakarden. Əve Artsaxi bı canqədə bo dəboxte hiç qılə həxış nişe. Çumçıko əy Ozobicon nomədə pesoxtə keşvəri həndəvərədə jiye hiç qılə qirəvəş ni! Bə nav xosə Artsaxi ləşkərəvonon!

Tolish Media