Qırğızıstanədə transmilli mutəşəkkil cinayətkorə dəstə uzv bə Azərbaycan şəhrvandi qətə be xəbə doə bə.

Çəvon bə Qırğızıstan devlət rəhbərəti sui-qəsdədə ittihom kardə be iddio bedə.
Bın barədə Qırğızıstan Devlət Milli Əmniyyətə Komitə mətbuat mərkəzi məlumatış doə.
Məlumatədə, Qırğızıstani Milli Əmniyətə Orqanon V.M.Əliyev, S.A.Bağırov, M.O.Əsgərov, M.S.Bekhbudrov iyən Z.İ.Məmmədovi qətəy votə bə:

“Bəmə omə əməliyyat məlumaton qorə, M.O.Əsgərov kriminal aləmədə “sələfi” statusı xıvande. Kriminal muhiti zumand karde iyən dızd ideologiya pevolo karde, statusi həniən barz karde məğsədi dövləti bə mutəşəkkil cinayətkorəti vəy fəal mubarizə siyasəti əlaqədar, de cinayət şərikon ico bə Qırğızıstan omə, keşvəri rəhbərəti sui-ğəsd təşkil karde nəzərədə qətəşone”. Qırğızıstan Milli Əmniyətə Devlət Komitə əməliyyat məlumati əsasədə çın dastə əlidə i kəsi – Raimbek Matraimovi Bokuədə be votə bedə.