Boku Qaradağ rayon, Qızıldaş ğəsəbədə bəstə şuə de təvə xəsarət jeədə ittihom bə Lalə İmaşova marti 27-də məhkəmə zalədə dəstqir kardə bə.

Boku Qonə Cinayəton Məhkəmədə bey hukm handə bə.
De doə hukmi, Lalə İmaşova istə şuə kışte cəhdədə taxsikor zınə bə, 9 sor ozodətiku məhrum kardə bə.

29 sininə Lalə İmaşova 3 kamsininə əğılon moe.
Əv, istintağ iyən məhkəmə sə mıddətədə ozədətiədə bə.

Hukmi bə peş məhkəmə zalədə dəstqir kardə, bə Kurdəxanı Boku İstintağ Təcridxonə bardə bə.
Zərərkəşəy ğismədə zınə bə 37 sininə Ceyhun İmaşov məhkəmədə damə kardə vaxt ıştə jimoni həmroku şikat be, əçe dəstqir be piəşe.

Lalə İmaşova ıştənış ğismən taxsikor zınə,jimoni həmro kışte fikədə nıbeş votə.

De əçe sıxani, hadisə hese-bes zəminədə qıniə.
Lalə İmaşova həmən 3 kamsininə əğıl be, məhkəməku ozodətiku məhrum nıkarde, alternativ cəzo doe piəşe. Əmmo əv de Cinayət Məcəllə 29,120- (zıne-zıne bo odəm kışte cəhd) maddə taxsikor zınə bə, 9 sor ozodətiku məhrum karde bə.

Lalə İmaşovanın vəkil çın hukmiku apelyasiya şikat doe fikədə be bəyonış kardə.