2 may tarixədə çı Azərbaycanə Respublika prezident İlham Əliyevi Bokuədə dəvardə V Umumdınyo Mədəniyyətonarə Dialoqə Forumədə votəşe ki, Multikulturalizm çəmə jimoni tərze. Im, tojə sıxan bıboən, əmə əsron dırozi həminə ğaydədə jiəmon. 2016-minə sor Azərbaycanədə “Multikulturalizmi sor” elan be əy subut kardedə ki, əmə çı dınyo diğğəti bı muhumə ideya cəlb karde pidəmone. Peşo İlham Əliyevi votəşe: Bo əməro multikulturalizm həmən çəmə siyasəti muhumə elementonədə qıləye. Azərbaycanədə çı multikulturalizmi beynəlxalğə mərkəz təsis bə. Əmə  multikulturalizmə molyəton təbliğ iyən təşviğ kardedəmon, navo omə soronədə çı multikulturalizmi yolə potensiali numayiş bəkardemon.

İlham Əliyevi həminə forumada votə sıxanon kırtə vəsə bəşmə nəzə edaştımone. Həminə forum dəvarde-dəvarde tolışə milləti numayəndə Mirtəği Nəsirovi çı Boku əmniyyətə vəzarətədə 5 saat nim vəşi-təşi təzyiği və təhdidi jinto oqəte çı Azərbaycanə Respublika prezidenti çanədə səmimi be subut kardedə.